ប៉េរូ៖ លោកស្រី Keiko Fujimori ជាកូនស្រីអតីតប្រធានាធិបតីប៉េរូ និងបច្ចុប្បន្នគឺជាអ្នកនយោបាយដូចឪពុកដែរនោះបានបង្ហោះសារនៅលើបណ្ដាញសង្គម X យ៉ាងដូច្នេះថា ឪពុករបស់លោកស្រីគឺលោក Alberto Fujimori ជាអតីតប្រធានាធិបតីប៉េរូដែលកាន់អំណាចកាលពីឆ្នាំ១៩៩០ ដល់ឆ្នាំ២០០០ នឹងត្រឡប់មកឈរឈ្មោះជាបេក្ខភាពប្រធានាធិបតីសាជាថ្មីម្តងទៀតសម្រាប់ការបោះឆ្នោតនាឆ្នាំ២០២៦។ 

គួរបញ្ជាក់ថា លោកស្រី Keiko Fujimori ជាកូនស្រីច្បងរបស់លោក Alberto ក៏ធ្លាប់បានឈរឈ្មោះក្នុងការបោះឆ្នោតប្រធានាធិបតីចំនួន ៣ អាណត្តិកន្លងមកផងដែរ ពោលគឺនៅឆ្នាំ២០១១, ២០១៦ និង២០២១ ប៉ុន្តែរងបរាជ័យនៅក្នុងការបោះឆ្នោតជុំទី២រាល់លើក។ 

គួរបញ្ជាក់ថា លោក Alberto Fujimori បច្ចុប្បន្នមានវ័យ ៨៥ឆ្នាំទៅហើយ និងថែមទាំងមានបញ្ហាសុខភាពទៀតផង ខណៈលោកធ្លាប់ត្រូវបានតុលាការកាត់ទោសឱ្យជាប់ពន្ធនាគារ ២៥ឆ្នាំពីបទពី​បទ​រំលោភ​សិទ្ធិ​មនុស្ស ដោយលោកទើបត្រូវបានដោះលែងពីពន្ធនាគារកាលពីចុងឆ្នាំ២០២៣ កន្លងទៅប៉ុណ្ណោះ៕